Event ends   2026-03-08 20:46:14

---

Cuartu ni nuu delante que riquiiñeʼ ni casi ti lugar ra ribeza binni ora maʼ cudii Archie cuenta Wolfe maʼ bidxiñacabe, ne laaca riquiiñeʼ ni casi ti lugar ra rucaachiʼ Archie ti binni ni chiguuyaʼ sti binni.
Cuartu stiʼ Wolfe nuu ni lu guiropa pisu stiʼ guié marrón que, ne stiʼ Archie nuu ni lu guionna pisu que. Cada tobi de ca pisu riʼ laaca napa ti cuartu de repuesto, riquiiñeʼ ni caadxi biaje para guiaana gadxé gadxé clase binni, testigu ne nuu tiru dede binni ni napa donda. Wolfe nabé riecheʼ purtiʼ zanda gacané binni zacá ne ti biaje guníʼ: «Invitadu ca nga ti joya ni riaana lu cojín stiʼ hospitalidad».
Casi ñaca qué ridxiichi oficina stiʼ Wolfe ora maʼ bichii ca puertaʼ ni ridxaaga ni cuartu ni nuu delante ne pasillu que. Nuu ti guié huiiniʼ ndaaniʼ muru stiʼ oficina que ne dxaʼ ni láʼ Archie «foto de truco de una cascada». ne xcaadxi cosa ni raca ndaaniʼ oficina sin gudii binni cuenta. Silla ni nuu atrá de escritorio stiʼ Wolfe que bíʼnicabe ni pur costumbre, ne nuu resorte especial para ganda guicaabe peso stibe; según Archie, laani nga silla si ni dxandíʼ riuulaʼdxiʼ Wolfe cuiʼ ndaaniʼ ni.Gaxha de escritorio que nuu ti banguʼ naroʼbaʼ tapizadu de guidi quichiʼ, ne gatigá riquiiñeʼ ni para inspector Cramer, ti cliente ni nuu yanna o ni chigaca cliente stiʼ, o binni ni racalaʼdxiʼ Wolfe ne Archie . para guinabadiidxanu. Lu historia huiiniʼ ni láʼ «El chorro y la mono», Wolfe ne Archie nápacaʼ ti grabadora ne ti micrófono ni nagaʼchiʼ ndaaniʼ oficina, ne nuu control ndaaniʼ cocina.
Ca guié marrón ca nápacani ti entrada atrá ni riné binni ndaaniʼ ti jardín privadu, casi ná «Champagne para uno» ne xcaadxi lugar, raqué riuu ti pasaje ndaaniʼ calle 34 -ni riquiiñeʼ para chuʼ binni o guiree de ra lidxi Wolfe ora caquiiñeʼ guiree binni de ra lidxi. Archie guníʼ ruyubi Fritz gudxiibaʼ guixi casi cebollino ndaaniʼ jardín.
Ca dxi stiʼ semana, rudii Fritz Wolfe desayunu stiʼ ndaaniʼ cuartu stiʼ. Archie ró stiʼ gadxé gadxé ndaaniʼ cocina, neca zándaca guinabaʼ Wolfe Fritz guseendaʼ Archie guibáʼ pa napa instrucción para laa siadóʼ. Ca hora ni riguixhe chaahuiʼ para gó binni gueta ne gueelaʼ, nga nga tobi de ca cosa ni runi Wolfe guiráʼ dxi. Lu ti historia ni gucuá dxiqué, gudxi Wolfe ti invitadu guiráʼ dxi rócabe gueta 1 p.m. ne rócabe gueta 8 p.m., neca lu ca historia ni zeeda despué ná zándaca bichaacabe hora rócabe gueta que 1:15 o 1:30, neca viernes. Ridoʼdo gueta ne guendaró ndaaniʼ comedor, ni nuu sti ladu pasillu stiʼ primé pisu que, ra nuu cuartu ni nuu delante ne ra oficina que. Peru Archie zadoʼdo separadu ndaaniʼ cocina pa nuube lu ti negocio ni nabé risaca o purtiʼ nuube lu ti compromisu social, purtiʼ qué zanda guni huantar Wolfe ora guʼyaʼ maʼ cayócabe ti guendaró nagueendaca. Wolfe laaca napa ti ley ni na cadi naquiiñeʼ guiníʼ binni de negocio ra mexaʼ, nuu tiru ridxiichi peru nabé huaxiéʼ si biaje ridxiichi.
Cásica stale cosa ni bizaaca lu xquendanabani Wolfe, ora riguʼbaʼ cerveza ca naquiiñeʼ guni ritual. Ora zuba Wolfe ra mexaʼ stiʼ, ruquiichiʼ botón que chupa biaje para gucaa ridxi para guicaa cerveza, ne Fritz rudii ca botella que sin guixeleʼ; Wolfe laca laa ruxheleʼ tapa stiʼ ca botella que, riquiiñeʼ ti abridor de oro de 18 quilates ni bidii ti cliente ni nuu satisfechu laa.

---